in

ਅਮਰੀਕਾ ਵਿਚ ਖੁੱਲੀ ਪਹਿਲੀ ਯੋਗ ਯੂਨੀਵਰਸਿਟੀ

ਛੇਵੇਂ ਅੰਤਰਰਾਸ਼ਟਰੀ ਯੋਗ ਦਿਵਸ ਮੌਕੇ ਅਮਰੀਕਾ ਦੇ ਲਾਸ ਏਂਜਲਸ ਵਿਚ ਯੋਗ ਯੂਨੀਵਰਸਿਟੀ ਦੀ ਸਥਾਪਨਾ ਕੀਤੀ ਗਈ। ਇਸ ਮੌਕੇ ਵਿਦੇਸ਼ ਰਾਜ ਮੰਤਰੀ ਵੀ ਮੁਰਲੀਧਰਨ ਅਤੇ ਵਿਦੇਸ਼ੀ ਮਾਮਲਿਆਂ ਦੀ ਸਥਾਈ ਸਮਿਤੀ ਦੇ ਮੁੱਖੀ ਪੀਪੀ ਚੌਧਰੀ ਨੇ ਨਿਊਯਾਰਕ ਵਿਚ ਮੰਗਲਵਾਰ ਨੂੰ ‘ਵਿਵੇਕਾਨੰਦ ਯੋਗਾ ਯੂਨੀਵਰਸਿਟੀ’ ਦਾ ਆਨਲਾਈਨ ਉਦਘਾਟਨ ਭਾਰਤ ਦੇ ਕੌਂਸਲੇਟ ਜਨਰਲ ਦੁਆਰਾ ਆਯੋਜਿਤ ਇਕ ਪ੍ਰੋਗਰਾਮ ਵਿੱਚ ਕੀਤਾ।
ਸਵਾਮੀ ਵਿਵੇਕਾਨੰਦ ਯੋਗਾ ਫਾਉਂਡੇਸ਼ਨ ਦੇ ਚਾਂਸਲਰ ਅਤੇ ਉੱਘੇ ਯੋਗਾ ਗੁਰੂ ਡਾ. ਐਚਆਰ ਨਾਗੇਂਦਰ ਇਸ ਦੇ ਪਹਿਲੇ ਪ੍ਰਧਾਨ ਹੋਣਗੇ। ਇਸ ਮੌਕੇ ਮੁਰਲੀਧਰਨ ਨੇ ਕਿਹਾ ਕਿ ਸਵਾਮੀ ਵਿਵੇਕਾਨੰਦ ਨੇ ਅਮਰੀਕਾ ਤੋਂ ਭਾਈਚਾਰੇ ਦਾ ਸੰਦੇਸ਼ ਦਿੱਤਾ ਸੀ ਅਤੇ ਯੋਗਾ ਦਾ ਸੰਦੇਸ਼ ਵੀ ਭਾਰਤ ਤੋਂ ਬਾਹਰ ਪਹਿਲੀ ਯੋਗਾ ਯੂਨੀਵਰਸਿਟੀ ਦੇ ਜ਼ਰੀਏ ਅਮਰੀਕਾ ਤੋਂ ਦੁਨੀਆ ਤੱਕ ਪ੍ਰਸਾਰਿਤ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਯੋਗਾ ਭਾਰਤ ਦੇ ਸਭਿਆਚਾਰ ਅਤੇ ਵਿਰਾਸਤ ਦੇ ਪ੍ਰਤੀਕ ਵਜੋਂ ਵਿਸ਼ਵ ਵਿੱਚ ਏਕਤਾ ਅਤੇ ਭਾਈਚਾਰਕ ਸਾਂਝ ਦਾ ਮਾਧਿਅਮ ਬਣ ਗਿਆ ਹੈ। ਅਸੀਂ ਯੋਗਾ ਦੇ ਜ਼ਰੀਏ ਆਲਮੀ ਸ਼ਾਂਤੀ ਦਾ ਸੰਦੇਸ਼ ਦੇ ਸਕਦੇ ਹਾਂ। ਮੁਰਲੀਧਰਨ ਨੇ ਕਿਹਾ ਕਿ ਯੋਗਾ ਮਾਨਸਿਕ ਸੰਤੁਲਨ ਅਤੇ ਭਾਵਨਾਤਮਕ ਸਥਿਰਤਾ ਪ੍ਰਦਾਨ ਕਰਦਾ ਹੈ।
ਪ੍ਰੇਮ ਭੰਡਾਰੀ, ਕੌਂਸਲੇਟ ਜਨਰਲ ਅਤੇ ਜੈਪੁਰ ਫੁੱਟ ਯੂਐਸਏ ਦੇ ਪ੍ਰਧਾਨ ਅਤੇ ਵਿਵੇਕਾਨੰਦ ਯੋਗਾ ਯੂਨੀਵਰਸਿਟੀ ਦੇ ਸੰਸਥਾਪਕ ਡਾਇਰੈਕਟਰ ਨੇ ਸਾਂਝੇ ਤੌਰ ਤੇ ਸਮਾਗਮ ਦਾ ਆਯੋਜਨ ਕੀਤਾ। ਗੁਰੂ ਨਗੇਂਦਰ, ਜੋ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਯੋਗਾ ਸਲਾਹਕਾਰ ਵਜੋਂ ਜਾਣੇ ਜਾਂਦੇ ਹਨ, ਨੇ ਕਿਹਾ ਕਿ ਸਵਾਮੀ ਵਿਵੇਕਾਨੰਦ ਨੇ 1893 ਵਿਚ ਸ਼ਿਕਾਗੋ ਵਿਚ ਆਪਣੇ ਪ੍ਰਸਿੱਧ ਭਾਸ਼ਣ ਰਾਹੀਂ ਵਿਸ਼ਵ ਵਿਚ ਭਾਰਤੀ ਯੋਗਾ ਦੀ “ਮਹਾਨਤਾ” ਪੇਸ਼ ਕੀਤੀ ਸੀ।
ਉਨ੍ਹਾਂ ਕਿਹਾ ਕਿ ਅਜੋਕੇ ਯੁੱਗ ਦੀਆਂ ਚੁਣੌਤੀਆਂ ਦਾ ਮੁਕਾਬਲਾ ਕਰਨ ਲਈ ਜੋ ਸਿਖਿਆਵਾਂ ਅਤੇ ਉਨ੍ਹਾਂ ਦੇ ਹੱਲ ਦਿੱਤੇ ਹਨ, ਉਨ੍ਹਾਂ ਤੋਂ ਪ੍ਰੇਰਿਤ ਹੋ ਕੇ ਅਸੀਂ ਯੋਗਾ ਨੂੰ ਵਿਦਿਅਕ ਪਹਿਲੂ ਦੇਣ ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ ਹੈ। ਸਵਾਮੀ ਵਿਵੇਕਾਨੰਦ ਨੇ ਕਈ ਸਾਲ ਪਹਿਲਾਂ ਸ਼ਹਿਰ ਵਿਚ ਸਮਾਂ ਬਿਤਾਇਆ ਅਤੇ ਯੋਗਾ ‘ਤੇ ਬਹੁਤ ਸਾਰੀਆਂ ਕਿਤਾਬਾਂ ਲਿਖੀਆਂ, ਜਿਸ ਨਾਲ ਇਸ ਭਾਰਤੀ ਵਿਧੀ ਨੂੰ ਪੂਰੀ ਦੁਨੀਆ ਵਿਚ ਪ੍ਰਸਿੱਧ ਬਣਾਇਆ ਗਿਆ, ਇਸ ਲਈ ਨਿਊਯਾਰਕ ਦਾ ਯੋਗਾ ਨਾਲ ਡੂੰਘਾ ਸਬੰਧ ਹੈ। ਚੱਕਰਵਰਤੀ ਨੇ ਨਾਗੇਂਦਰ ਅਤੇ ਭੰਡਾਰੀ ਦੇ ਉੱਦਮ ਦੀ ਸ਼ਲਾਘਾ ਕੀਤੀ।

Comments

Leave a Reply

Your email address will not be published. Required fields are marked *

Loading…

Comments

comments

ਵਿਆਹ ‘ਚ ਫਾਇਰਿੰਗ ਲਈ ਦੋ ਸਾਲ ਦੀ ਕੈਦ

ਸਵਾਈਨ ਫਲੂ ਦਾ ਵਾਇਰਸ, ਇੱਕ ਹੋਰ ਮਹਾਂਮਾਰੀ ਫੈਲਣ ਦਾ ਡਰ