ਇਟਲੀ ਦੀ ਅਸੈਂਬਲੀ ਵੋਟ ਦੀ ਉਮਰ 18 ਸਾਲ ਕਰਨ ਲਈ ਪਾਰਲੀਮੈਂਟ ਵੱਲੋ ਹਰੀ ਝੰਡੀ

ਰੋਮ (ਕੈਂਥ) ਇਟਲੀ ਦੀ ਪਾਰਲੀਮੈਂਟ  ਨੇ ਵੀਰਵਾਰ ਨੂੰ ਇੱਕ ਸੰਵਿਧਾਨਕ ਸੁਧਾਰ ਨੂੰ ਆਖਰੀ ਪ੍ਰਵਾਨਗੀ ਦੇ ਦਿੱਤੀ ਜਿਸ ਨਾਲ ਉਪਰਲੇ ਸਦਨ ਲਈ ਵੋਟਿੰਗ ਦੀ ਉਮਰ 25 ਤੋਂ 18 ਹੋ ਜਾਵੇਗੀ ਪਰ ਇਹ ਅਮਲੀ ਕਾਰਵਾਈ 3 ਮਹੀਨਿਆਂ ਵਿੱਚ ਇੱਕ ਪੁਸ਼ਟੀਕਰਣ ਜਨਮਤ ਸੰਗ੍ਰਹਿ ਦੇਣ ਦੀ ਆਗਿਆ ਦਿੱਤੀ ਜਾਏਗੀ।ਜਿਸ ਵਿੱਚ ਲੋਕ ਫੈਸਲਾ ਕਰਨਗੇ ਕਿ ਇਹ ਬਦਲਾਵ ਹੋਣਾ ਚਾਹੀਦਾ ਜਾਂ ਨਹੀ ਕਿਉਂ ਜਦੋ ਪਾਰਲੀਮੈਂਟ ਵਿੱਚ ਇਸ ਮਤੇ ਨੂੰ ਹਰੀ ਝੰਡੀ ਹੋਈ ਤਾਂ ਬਹੁਮਤ 66 % ਤੋਂ ਘੱਟ ਸੀ ਚੈਂਬਰ ਤੋਂ ਦੋ ਤਿਹਾਈ ਮੈੰਬਰ  ਗਾਇਬ ਸਨ। ਇਸ ਸੁਧਾਰ ਦਾ ਅਰਥ ਹੈ ਕਿ ਉਪੱਰਲੇ ਤੇ ਹੇਠਲੇ ਸਦਨ ਲਈ ਵੱਖੋ ਵੱਖਰੇ ਵੋਟ ਪਾਉਣ ਦੀ ਉਮਰ ਨਹੀਂ ਰਹੇਗੀ। 178 ਪ੍ਰਬੰਧਕਾਂ ਨੇ ਇਸ ਬਿੱਲ  ਦੇ ਹੱਕ ਵਿਚ ਵੋਟ ਪਾਈ, 15 ਦੇ ਵਿਰੁੱਧ ਵੋਟ ਪਾਈ ਅਤੇ 30 ਨੇ ਭਾਗ ਨਹੀਂ ਲਿਆ। ਅਗਾਮੀ ਰਾਜਨੀਤਿਕ ਚੋਣਾਂ ਤੋਂ ਇਹ ਸੁਧਾਰ ਅਮਲ ਵਿੱਚ ਲਿਆਂਦਾ ਜਾਵੇਗਾ ਅਤੇ ਸੰਵਿਧਾਨਕ ਮਾਮਲਿਆਂ ਬਾਰੇ ਕਮਿਸ਼ਨ ਦੇ ਪ੍ਰਧਾਨ  ਦਾਰਿਓ ਪਾਰੀਨੀ ਨੇ ਦੱਸਿਆ ਹੈ ਕਿ ਦੋਵਾਂ ਚੈਂਬਰਾਂ ਦਾ ਇਕੋ ਜਿਹਾ ਚੋਣ ਅਧਾਰ ਹੈ ਅਤੇ ਇਸ ਲਈ ਉਹ ਇਕੋ ਰਾਜਨੀਤਿਕ ਮਹੱਤਵਪੂਰਣ ਹਨ। ਜਦੋ ਇਹ ਕਾਨੂੰਨ ਲਾਗੂ ਹੋ ਜਾਂਦਾ ਤਾਂ ਇਟਲੀ ਦੇ  ਲਗਭਗ 40 ਲੱਖ ਉਹ ਨੌਜਵਾਨ ਸਰਕਾਰ ਖੜ੍ਹੀ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਉਣਗੇ ਜਿਹੜੇ ਨੌਜਵਾਨ 18 ਤੋਂ 24 ਸਾਲ ਦੇ ਵਿਚਕਾਰ ਦੀ ਉਮਰ ਦੇ ਹਨ।ਇਟਲੀ ਦੇ ਸੰਵਿਧਾਨ ਦੇ ਆਰਟੀਕਲ 58 ਅਨੁਸਾਰ ਪਹਿਲਾਂ ਉਪਰਲੇ ਸਦਨ ਲਈ ਵੋਟ ਪਾਉਣ ਦੇ ਅਧਿਕਾਰ ਲਈ 25 ਸਾਲ ਦੀ  ਉਮਰ ਦਾ ਹੋਣਾ ਲਾਜ਼ਮੀ ਸੀ ਜਿਸ ਨੂੰ ਹੁਣ 8 ਜੁਲਾਈ 2021 ਨੂੰ 178 ਪ੍ਰਬੰਧਕੀ ਆਗੂਆਂ ਨੇ ਚੈਂਬਰ ਦੌਰਾਨ ਚੋਣ ਕਾਨੂੰਨ ਤੇ ਦਬਾਅ ਪਾਉਂਦੇ ਹੋਏ ਇਸ ਆਰਟੀਕਲ ਵਿੱਚ ਸੁਧਾਰ ਤਹਿਤ ਉਮਰ ਦੀ ਹੱਦ 18 ਸਾਲ ਕਰਵਾਉਣ ਲਈ ਬਹੁਮਤ ਹਾਸਿਲ ਕਰ ਲਈ ਹੈ।ਜਿਸ ਦੇ ਨਤੀਜੇ ਇਸ ਵਿੱਚ ਆਉਣ ਵਾਲ਼ੀਆਂ ਚੋਣਾਂ ਦੌਰਾਨ ਪ੍ਰਤੱਖ ਹੋਣਗੇ।ਜਿਕਰਯੋਗ ਹੈ ਕਿ ਪਹਿਲਾਂ ਵੀ ਸੰਨ 1975 ਮਾਰਚ ਵਿੱਚ ਸੰਸਦ ਵਿੱਚ ਅਜਿਹਾ ਬਦਲਾਵ ਦੇਖਣ ਨੂੰ ਮਿਲਿਆ ਸੀ ਜਿਸ ਵਿੱਚ ਸੰਵਿਧਾਨ ਦੇ ਆਰਟੀਕਲ 39 ਵਿੱਚ ਬਦਲਾਵ ਕਰਦਿਆਂ ਹੇਠਲੇ ਸਦਨ ਲਈ ਵੋਟ ਲਈ 21 ਸਾਲ ਤੋਂ ਉਮਰ ਦੀ ਹੱਦ 18 ਸਾਲ ਕਰ ਦਿੱਤੀ ਗਈ ਸੀ ਜਿਸ ਨਾਲ ਕਿ ਲੱਖਾਂ ਨੌਜਵਾਨਾਂ ਨੇ ਆਪਣੀ ਵੋਟ ਦੀ ਵਰਤੋ ਕਰਕੇ ਸਰਕਾਰ ਬਣਾਉਣ ਵਿੱਚ ਅਹਿਮ ਜਿੰਮੇਵਾਰੀ ਨਿਭਾਈ ਸੀ ।