ਨੀਦਰਲੈਂਡਜ਼ ਵਿਚ 89 ਸਾਲਾਂ ਦਾ ਇਕ ਡਾਕਟਰ 49 ਬੱਚਿਆਂ ਦਾ ਪਿਤਾ ਬਣ ਗਿਆ। ਹੈਰਾਨੀ ਦੀ ਗੱਲ ਹੈ ਕਿ ਇਹ ਬੱਚੇ ਇਕ ਔਰਤ ਤੋਂ ਪੈਦਾ ਨਹੀਂ ਹੋਏ ਬਲਕਿ ਵੱਖੋ ਵੱਖ ਔਰਤਾਂ ਤੋਂ ਪੈਦਾ ਹੋਏ ਹਨ। ਡੀਐਨਏ ਦੀ ਇਕ ਰਿਪੋਰਟ ਵਿਚ ਇਹ ਤੱਥ ਸਾਹਮਣੇ ਆਇਆ ਹੈ। ਮਹੱਤਵਪੂਰਣ ਗੱਲ ਇਹ ਹੈ ਕਿ ਕੁਝ ਜੋੜੇ ਦੇ ਬੱਚੇ ਨਾ ਹੋਣ ਦੀ ਸੂਰਤ ਵਿੱਚ ਆਈਵੀਐਫ ਦਾ ਸਹਾਰਾ ਲੈਂਦੇ ਹਨ ਤਾਂ ਜੋ ਉਸਦੀ ਇੱਛਾ ਪੂਰੀ ਹੋ ਸਕੇ। ਇਸ ਡਾਕਟਰ ਨੇ ਇਸ ਤਕਨੀਕ ਦਾ ਗਲਤ ਫਾਇਦਾ ਚੁੱਕਿਆ। ਦਰਅਸਲ, ਨੀਦਰਲੈਂਡਜ਼ ਦੇ ਰੋਟਰਡਮ ਵਿਚ ਇਕ ਆਈਵੀਐਫ ਦੇ ਇਕ ਕਲੀਨਿਕ ਵਿਚ ਔਰਤਾਂ ਨਾਲ ਵੱਡੇ ਧੋਖੇਬਾਜ਼ੀ ਕਰਨ ਦੀਆਂ ਖਬਰਾਂ ਆਈਆਂ ਹਨ। ਇਸ ਕਲੀਨਿਕ ਦੇ ਇਕ ਡਾਕਟਰ ਨੇ 49 ਔਰਤਾਂ ਦੀ ਗਰਭ ਧਾਰਨ ਕਰਵਾਉਣ ਲਈ ਆਪਣੇ ਸ਼ੁਕਰਾਣੂ ਦੀ ਵਰਤੋਂ ਕੀਤੀ। ਹਾਲਾਂਕਿ ਇਹ ਗਿਣਤੀ ਹੋਰ ਵੀ ਵਧ ਸਕਦੀ ਸੀ, ਪਰ ਉਸ ਤੋਂ ਪਹਿਲਾਂ ਡਾਕਟਰ ਦੀ ਮੌਤ ਹੋ ਗਈ.
ਜਨ ਕਰੱਬਤ ਨਾਮ ਦੇ ਇਸ ਡਾਕਟਰ ਦੀ ਸਾਲ 2017 ਵਿੱਚ ਮੌਤ ਹੋ ਗਈ ਸੀ। ਇਸ ਤੋਂ ਬਾਅਦ ਅਦਾਲਤ ਨੇ ਆਦੇਸ਼ ਦਿੱਤਾ ਕਿ ਮਾਪਿਆਂ ਨੂੰ ਡਾਕਟਰ ਦੇ ਡੀਐਨਏ ਟੈਸਟ ਦੇ ਨਤੀਜੇ ਦਿੱਤੇ ਜਾਣ। ਜਿਸ ਵਿਚ ਇਹ ਸਾਹਮਣੇ ਆਇਆ ਕਿ ਡਾਕਟਰ ਨੇ ਸ਼ੁਕਰਾਣੂ ਦਾਨੀ ਦੀ ਬਜਾਏ ਆਪਣੇ ਸ਼ੁਕਰਾਣੂ ਦੀ ਵਰਤੋਂ ਕੀਤੀ। ਇਸ ਸਬੰਧ ਵਿੱਚ ਡਿਫੈਂਸ ਫਾਰ ਚਿਲਡਰਨ ਨਾਂ ਦਾ ਇੱਕ ਸੰਸਥਾ ਨੇ ਕਿਹਾ ਹੈ ਕਿ ਜਾਂਚ ਵਿਚ ਡਾਕਟਰ ਦੇ ਡੀਐਨਏ ਨਾਲ 49 ਬੱਚਿਆਂ ਦੇ ਡੀਐਨਏ ਮੈਚ ਹੋਏ। ਹਾਲਾਂਕਿ ਇਹ ਕਲੀਨਿਕ ਹੁਣ ਬੰਦ ਹੈ। ਹੈਰਾਨੀ ਦੀ ਗੱਲ ਹੈ ਕਿ 89 ਸਾਲਾ ਡਾਕਟਰ ਨੇ ਆਪਣੀ ਮੌਤ ਤੋਂ ਪਹਿਲਾਂ ਕਿਹਾ ਸੀ ਕਿ ਉਹ 60 ਬੱਚਿਆਂ ਦਾ ਪਿਤਾ ਬਣ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਾਲ 2009 ਵਿਚ ਇਸ ਕਲੀਨਿਕ ‘ਤੇ ਬੇਨਿਯਮੀਆਂ ਦਾ ਇਲਜ਼ਾਮ ਲਗਾਇਆ ਗਿਆ ਸੀ, ਜਿਸ ਤੋਂ ਬਾਅਦ ਇਸ ਨੂੰ ਬੰਦ ਕਰ ਦਿੱਤਾ ਗਿਆ ਸੀ।
89 ਸਾਲਾ ਡਾਕਟਰ ਬਣਿਆ 49 ਬੱਚਿਆਂ ਦਾ ਪਿਤਾ
