ਇਟਲੀ (ਦਵਿੰਦਰ ਹੀਉਂ ) ਬੀਤੇ ਐਤਵਾਰ ਦੀ ਰਾਤ ਨੂੰ ਇਟਲੀ ਦੇ ਕਈ ਹਿੱਸਿਆਂ ਵਿੱਚ ਭੁਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਇੱਥੇ ਮੁਗਹੈਲੋ,ਫਰੈਂਸਾ,ਤੁਸਕਾਨਾ,ਦਸਤੌਰੀਆ ਆਦਿ ਹਿੱਸਿਆਂ ਵਿੱਚ ਰਾਤ 8-30 ਤੋਂ ਸਵੇਰੇ ਪੰਜ ਵਜੇ ਤੱਕ ਭੁਚਾਲ ਦੇ ਤਕਰੀਬਨ 40 ਝਟਕੇ ਮਹਿਸੂਸ ਕੀਤੇ ਗਏ 4:5 ਦੀ ਤੀਬਰਤਾ ਨਾਲ ਲੱਗੇ ਇਨ੍ਹਾਂ ਲਗਾਤਾਰ ਝਟਕਿਆਂ ਕਾਰਨ ਲੋਕਾਂ ਵਿੱਚ ਕਾਫੀ ਸਹਿਮ ਦਾ ਮਾਹੌਲ ਦੇ ਹਫੜਾ-ਦਫੜੀ ਮੱਚੀ ਰਹੀ। ਮੁਗਹੈਲੋ ਇਲਾਕੇ ਵਿੱਚ ਕੁੱਝ ਇਮਾਰਤਾਂ ਨੂੰ ਤਰੇੜਾਂ ਆ ਗਈਆਂ ਅਤੇ ਬਾਕੀ ਕਿਸੇ ਵੱਡੇ ਜਾਨੀ ਤੇ ਮਾਲੀ ਨੁਕਸਾਨ ਹੋਣ ਤੋਂ ਬਚਾਅ ਰਿਹਾ ਹੈ। ਇਸ ਭੁਚਾਲ ਕਾਰਨ ਮਿਲਾਨ ਤੋਂ ਵਿਚਕਾਰ ਚੱਲਣ ਵਾਲੀਆਂ ਰੇਲਾਂ ਕਾਫੀ ਸਮਾਂ ਰੱਦ ਰਹੀਆਂ ਜੋ ਸਵੇਰੇ 8-30 ਤੇ ਮੁੜ ਸ਼ੁਰੂ ਹੋਈਆਂ ਜਿਸ ਕਾਰਨ ਯਾਤਰੀਆਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ।
